भारतपुर अस्पतालकाे आईसीयूमा काेराेना संक्रमितकाे मृत्यु

भरतपुर, २७ जेठ :
चितवन जिल्लाकाे भरतपुर अस्पतालको आईसीयूमा ६८ वर्षका एक जना कोरोना संक्रमितको मृत्यु भएको छ ।
नारायणी सामुदायिक अस्पतालको आईसीयूबाट भरतपुर अस्पतालको आईसीयूमा सोमबार साँझ सारिएका एक संक्रमितको मृत्यु भएको हो ।
उनको मंगलबार बिहान ७ बजेर ६ मिनेट जाँदा मृत्यु भएको  अस्पतालले जनाएको छ । उनको शव भरतपुर अस्पतालको आईसीयूमै छ ।
भरतपुर महानगरपालिका वडा नं. ११ का ६८ वर्षीय ती वृद्धलाई सोमबार मात्रै कोरोना संक्रमण पुष्टि भएको थियो । उनमा मुटु र निमोनियाको समस्या समेत थियो ।