निजगढका प्रमुख एकलौटि चल्न खोजेको भन्दै उपप्रमुख सहित दुइ तिहाई सदस्यको आपत्ति

बारा १५ भाद्र
निजगढ नगरपालिकाको नगर सभा एकलौटि रुपमा बोलाइएको प्रति दुइ तिहाइ कार्यपालिका सदस्यहरुले आपत्ति जनाएका छन । नगरपालिकाकी उप प्रमुख लिला लामिछाने खनाल सहित दुइ तिहाई सदस्यहरुले एक बिज्ञप्ति प्रकाशित गरी आपत्ति जनाएका हुन । बिज्ञप्तिमा कार्यपालिका सदस्यहरको सहमति बेगर नगरसभा बोलाएको,नारीहरुको महान चाड हरीतालिका तिजको दिन नगरसभा बोलाएर महिलाहरुलाई अपमान गरेको,नगरपालिकालाई एकलौटि र अर्पादर्सी रुपमा चलाउन खोजेको,नगरपालिका भित्र रहेका समितीहरुलाई भुमिका बिहिन बनाएको आरोप लगाइएको छ । त्यसैगरी बिज्ञप्तिमा नगरप्रमुखको कारण नगरपालिकाले नागरीकलाइ दिने सेवा सुबिधा दिन नसक्नुका साथै नगरको सुसाशन कमजोर भएको आरोप लगाइएको छ ।
बिज्ञप्तिको एक प्रति नगरप्रमुख सुरेस खनाललाई समेत जानकारीको लागि उपप्रमुख लिला लामिछाने सहितको टोलिले बुझाइएको छ । निजगढ नगरपालिकामा नेपालि काग्रेसको पमुख सहित केहि स्थानमा जितेको छ भने नेकपाका उपप्रमुख सहित दुइतिहाइ कार्यपालिका सदस्य रहेका छन । नगरप्रमुखले खनालले मनपरी गर्न लागेपछि बिवाद बढेको जनाइएको छ ।