छोकडा लोड गरीएको ट्रक बिरगंज भन्सार चलान

वीरगन्ज १५ बैशाख :

भारत तस्करी गर्न लागिएको आरोपमा प्रहरीले एक ट्रक छोकडासहित एकजनालाई वीरगन्जको भन्सार नजिकबाट पक्राउ गरेको छ।  प्रहरीले वीरगन्ज १६ रजत जयन्ति चोकबाट ना.५.ख.९८५९ नंबरको ट्रकमा रहेको ५ सय बोरा छोकडासहित बिशाल क्षेत्रीलाई पक्राउ गरेको हो ।

वीरगन्ज १६ घर भएका क्षेत्री,ट्रकका चालक हुन् ।  नेपालबाट ट्रकमा छोकडा भारत तस्करी भइरहेको सूचनाका आधारमा खटिएको प्रहरी टोलीले आइतबार राती रजत जयन्ति चोकबाट ५ सय बोरा छोकडासहितको ट्रक नियन्त्रणमा हो ।

ट्रकमा ५ सय बोरामा रहेको २ सय ५० क्वीन्टल छोकडा बरामद भएको पर्साका प्रहरी नायव उपरीक्षक वीरेन्द्र बहादुर शाहीले जानकारी दिनुभयो । बरामद छोकडाको बजार मुल्य अन्दाजी ३७ लाख ५० हजार रुपैयाँ रहेको उहाले बताउनुभयो । छोकडा , ट्रक र चालक क्षेत्रीलाइ आवश्यक कारवाहीको लागी सोमबार दिउँसो वीरगन्ज भंसार कार्यालयमा बुझाइएको जानकारी उहाले दिनुभयो।