जिल्ला प्रहरी कार्यालय बारामा कार्यरत प्रहरी निरीक्षकसहित थप दुईमा कोरोना पुष्टि

१२ जेष्ठ २०७७, सोमबार १६:५८ प्रकाशित

बारा १२ जेठ:
जिल्ला प्रहरी कार्यालय बारामा कार्यरत प्रहरी निरीक्षकसहित थप दुई प्रहरीमा कोरोना संक्रमण देखिएको छ ।
राष्ट्रिय जनस्वास्थ्य प्रयोगशालामा गरिएको परीक्षणका क्रममा जिल्लामा कार्यरत एक प्रहरी अधिकृत र एक प्रहरी जवामा कोरोना पुष्टि भएको हो । संक्रमित प्रहरी निरीक्षक काठमाडौँ डल्लुका हुन् भने अर्का प्रहरी जवान पर्सा बिझमझियाका हुन् । बाराका प्रहरी प्रवक्ता गौतम मिश्रले थप दुई प्रहरीमा कोरोना पुष्टि भएको जानकारी दिनुभयो ।
यससँगै बारामा कोरोना संक्रमित हुने प्रहरीको संख्या सात पुगेको छ भने कुल संक्रमितको संख्या ४१ पुगेको छ ।

१२ जेष्ठ २०७७, सोमबार १६:५८  मा प्रकाशित

Write your Comment