बाँकेमा गाडी दुर्घटना/११ जनाको मृत्यु,२२ जना घाइते

१९ जेष्ठ २०७७, सोमबार ०७:४२ प्रकाशित

काठमाडौं १९जेठ :
बाँकेको राप्ती सोनारी गाउँपालिका–२ ठुरिया जंगलमा गाडी दुर्घटना हुँदा ११ जनाको मृत्यु भएको छ । २२ जना घाइते भएका छन् ।

भारतबाट मजदुरी गरेर नेपालगञ्ज हुँदै सल्यान जान लागेकाहरु दुर्घटनामा परेका हुन् ।
नेपालगञ्जबाट सल्यान जाँदै गरेको ना ५ ख ५९९५ नम्बरको फोर्स भ्यान रोकिराखेको बा ४ ख ९०६४ नम्बरको ट्रकमा ठोक्किँदा ११ जनाको घटनास्थलमै मृत्यु भएको हो ।
दुर्घटनामा घाइते भएकाहरुको नेपालगञ्जमा उपचार भइरहेको छ ।

शवहरु भेरी अस्पतालमा ल्याइएको छ । मृतकको सनाखत भइ नसकेको इलाका प्रहरी कार्यालय बाँकेले जनाएको छ ।

१९ जेष्ठ २०७७, सोमबार ०७:४२  मा प्रकाशित

Write your Comment