एकैदिन देखियो ५ सय ३८ जनामा संक्रमण /नेपालमा कोरोनाबाट मृत्यु हुनेको संख्या २४ पुग्यो ।

मंगलबार ५ सय ३८ कोरोनाका संक्रमित थपिएका छन्। स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले पछिल्लो २४ घण्टामा ५ सय ३८ संक्रमित थपिएको जानकारी दिनुभयो ।

सो संख्या थपिए सँगै कुल संक्रमितको संख्या १० हजार ९९ पुगेको छ। पछिल्लो २४ घण्टामा ७६ कोरोनाका विरामी निको भएर विभिन्न अस्पतालबाट डिस्चार्ज भएका छन्।

आज डिस्चार्ज हुनेमा ६८ पुरुष र ८ महिला छन्। यीसहित हालसम्म २ हजार २ सय १८ निको भएर घर फर्किएका छन्। त्यसैगरी दैलेखको दुल्लु गाउँपालिकाका ४५वर्षीय पुरुषको कोरोना संक्रमणका कारण मृत्यु भएको छ यस्तो । यो सँगै कोरोना भाइरसबाट मृत्यु हुनेको संख्या नेपालमा २४ पुगेको छ ।