धरानको विपी कोइराला अस्पतालमा उपचाररत कोरोना संक्रमित वृद्धको मृत्यु

काठमाडौं २ श्रावण :
नेपालमा थप एकजना व्यक्तिको कोरोना भाइरसको संक्रमणबाट मृत्यु भएको छ। योसँगै नेपालमा कोरोनाबाट मृत्यु हुनेको संख्या ४० पुगेको छ।
धरानस्थित विपी कोइराला स्वास्थ्य विज्ञान प्रतिष्ठानमा उपचाररत सप्तरी राजविराजका ७३ वर्षीय कोरोना संक्रमित वृद्धको मृत्यु भएको अस्पतालले श्रोतले जानकारी दिएकोछ ।
‘उहाँको हिजो बेलुका ५ बजेतिर संक्रमण पोजेटिभ आयो तर राति साढे १० बजे उहाँको मृत्यु भएको हो ।
मुटुका विरामी समेत रहेका वृद्धलाई बुधबार अस्पतालमा भर्ना गरिएको र उनीमा ज्वरो र खोकी पनि देखिएको थियो।
त्यसपछि अस्पतालले आकस्मिक कक्षबाट उनलाई आइसोलेसनमा राखेर उपचार गरिएको थियो।
अहिले मृतकको शवलाई अस्पतालमै राखिएको छ।
शवलाई व्यवस्थापन गर्नेबारे सेनाको टोलीसँग कुरा भइरहेको अस्पतालले जनाएको छ।