नेकपा एमाले बारामा : तीन पोलिटब्युरो सहित आठको जनाको नाम सिफारिस

बारा १९ भाद्र:
बाराको चार वटा निर्वाचन क्षेत्रबाट नेकपा एमालेले आठ जना उम्मेदवारको नाम संघीय चुनावका लागि सिफारिस गरेको छ ।
चार निर्वाचन क्षेत्रमा आइतवार भएको भेलाले तीन पोलिटब्युरो सदस्य सहित आठ जनाको नाम जिल्लामा पठाउने निर्णय गरेको हो ।
निर्णय अनुसार बारा निर्वाचन क्षेत्र नं. १ बाट पुरुषोत्तम पौडेल,अच्युत मैनाली र मन्जु साहको नाम सिफारिस भएको छ । यस्तै क्षेत्र नं. २ र ४ मा सर्वसम्मत एक/एक जनाको नाम सिफारिस गरिएको छ ।
क्षेत्र नम्बर २ बाट केन्द्रीय सदस्य बलविर चौधरी र क्षेत्र नं. ४ बाट एमाले नेता देवनारायण चौधरीको नाम सिफारिस भएको छ । त्यसैगरी क्षेत्र नं. ३ बाट ज्वालकुमारी साह, अध्यानन्द पाण्डे र एम समिउल्लाहको नाम सिफारिस भएको हो ।