कुनैपनि बहानामा अन्तराष्ट्रिय बिमानस्थल निर्माणको काममा भांजो न हाल्न बाराका सरोकारसमितीहरु द्धारा आग्रह

बारा २२ मंसिर
बारामा क्रियासिल सार्वजनिक सरोकार समितीहरुले टांगियाबस्तिमा निर्माण हुनलागेको निजगढ दोस्रो अन्तराष्ट्रिय बिमानस्थल निर्माणमा भांजो नहाल्न सबैमा आग्रह गरेका छन । बाराको सिमरामा ४ वटा सार्वजनिक सरोकार समितीहरुले संयुक्तरुपमा पत्रकार सम्मेलनको आयोजना गदै जुन सुकै बहानामा बिमानस्थल निर्माणको काम अबरुद्ध गर्ने षडयन्त्र भइरहेको छ त्यसलाई स्वीकार नगर्ने उनिहरुले बताएका छ । जितपुरसिमरा सार्वजनिक सरोकार समिती,निजगढ सरोकार समिती,टांगियाबस्ति सरोकार समिती र कोल्हबी सरोकार समितीले संयुक्तरुपमा पत्रकार सम्मेलनको आयोजना गदै यस्तो चेतावनि दिएका हुन ।
उनिहरुले संयुक्तरुपमा जारी गरीएको बिज्ञप्तिमा निजगढ अन्तरास्ट्रिय विमानस्थल निर्माण प्रकृयाले जव जव गती लीन थाल्छ, यसका विरोधिहरू नया नया स्वरूपमा प्रकट हुन्छन ! अहिले उनिहरू सर्वोच्च अदालतको आडमा अन्तरकालीन आदेश सहित यसको विरोधमा प्रकट भएका छन ! वातावरण , विरूवा , अनी उपयुक्त स्थान कुनै पनी वहानाले उनिहरू सफल हुन सकेनन ! अव उनिहरू सर्वोच्च अदालतको आडमा निजगढ बिमानस्थल निर्माण कार्यमा अवरोध वनेर आई लागेका छन ! हामीलाई विश्वास छ ,सर्वोच्च अदालतले अन्तरकालीन आदेश सहित यो देश विकाशको विपक्षमा रहेको आत्मघाती रिट खारेज गर्नेछ र निजगढ अन्तरास्ट्रिय विमानस्थल निर्माणको मार्ग प्रसस्त गर्नेछ भनिएको छ ।
पत्रकार सम्मेलनमा पुर्व खेलकुद मन्त्रि पुषोत्तम पौडेल सर्वोच्व अदालतले उठाएका बिषयहरुको जवाफ दिन आफुहरु तयार रहेकोे बताउनु भयो । उहांले विमानस्थल निर्माण गर्दा वन्यजन्तुको आवत जावतको वाटो अवरूद्द हुने र वन्य जन्तुको जीवन सन्तुलन विग्रने विषय पनी उठान भएको उल्लेख गदै यो सामान्य ढंगले उठ्ने विषय नै हो ! तर पनी हिजो वन्य जन्तु संरक्षण को विषय उठाएर हामीले राष्ट्रिय नीकुन्ज विस्तार गर्दा हाम्रा विरूद्ध जाई लाग्नेहरू वाट नै आज यो कुरा उठ्नु चाही अझ सुन्दर विषय हो ! यस शन्दर्भमा आयोजनाले हाईवे वाट ५ देखी ७ सय मिटर सम्म वन कायम राख्ने उपाय सुझाएको छ ! जस्ले नत वन्य जन्तुको वाटो अवरूध्द हुन्छ नत उनीहरूको जीवन चक्रमै कुनै असर गर्छ ! यसै गरी काठमाडौं निजगढ फाष्ट ट्रयाक निर्माण गर्दा समेत यस विषयलाई महत्व दिईएको छ र जनावरहरूको आवत जावत लाई ध्यान राखी ओभर व्रीज वनाई हात्ती,गैडा सहितका जनावरहरूको आवत(जावत लाई सुरक्षित वनाउन विशेष ध्यान दिईएको जानकारी दिनु भयो ।
त्यसैगरी जितपुरसिमरा सार्वजनिक सरोकार समितीका संयोजक मनोज पौडेलले जुनसुकै बहाना वा नाममा जस्ले अवरोध गर्छ त्यो जनताको नजरमा कलंकित हुने चेतावनि दिनु भयो ।
सम्मेलनमा बोल्दै निजगढ सरोकार समितीका संयोजक एक बहादुर श्रेष्ठले यो समृद्ध नेपाल निर्माणको याजना भएको दाबि गर्नु भयो ।
पत्रकार सम्मेलनमन टांगियाबस्ति सरोकार समितीका संयोजक रमेस सापकोटा,कोल्हबी सरोकार समितीका संयोजक ढुण्डिराज उप्रती,पुर्व गबिस अध्यक्षहरु देवनारायण चौधरी,भोला अधिकारी,सरोकार समितीका सदस्यहरु पेसल मुल्मी,छबिलाल शर्मा,नारायण घिमिरे,रबिन्द्र खकुरेल,बिरेन्द्र बास्कोटा लगयातको सहभागीता रहेको थियो ।