उखुको बक्यौता रकम नपाएपछि उखु किसान आन्दोलनमा

काठमाडौं २८ मंसिर :
चिनी मिलले आफुहरु पाउनुपर्ने बक्यौता रकम नपाएकाे भन्दै सर्लाहीका उखु किसानहरुले प्रदर्शन गरेका छन् । बक्याैता रकम तिर्ने भनेर चिनी मिलले सरकारसँग सम्झौता गरे पनि कार्यान्वयन नगरेको भन्दै उनीहरूले आइतबार माइतीघरमा प्रदर्शन गरेका हुन्।
उनीहरू ‘श्रम, पसिनाकाे मूल्य पाउँ’, ‘किसानहरू मार्न पाइँदैन’ लगायतका विभन्न नारा लेखिएका प्लेकार्डहरू बाेकेर प्रदर्शन उत्रिएका थिए ।
बक्यैता रकम भुक्तानीको माग गर्दै किसानहरु काठमाडौंमा आन्दोलन गरेपछि मन्त्रालयले २०७६ पुस १८ गते उखु किसानसँग ५ बुदे सम्झैता गरेको थियो । मन्त्रालयले तत्काल भुक्तानीको वातावारण बनाउने, मिल मालिकको सम्पत्ति बिक्री गरेर भए पनि बक्यौता चुक्ता गर्ने आश्वासन दिएको थियो । एक वर्ष बितिसक्दा पनि किसानहरुले उखुको पैसा नपाएपछी आन्दोलनमा उत्रन बाध्य भएका हुन् ।