संवैधानिक परिषद्को बैठक बालुवाटारमा सुरु,सभामुख र प्रतिपक्षी दलका नेता देउवा अनुपस्थित

काठमाडौं ३० मंसिर :
प्रधानमन्त्रीको सरकारी निवास बालुवाटारमा संवैधानिक परिषद्को बैठक सुरु भएको छ । आज बिहान कोरम नपुगेर स्थगित भएको बैठक अहिले सुरु भएको हो ।
यसअघि बसेको मन्त्रिपरिषद्को बैठकले परिषदसम्बन्धी अध्यादेश ल्याएसँगै बैठक बसेको हो । बैठकमा सभामुख अग्निप्रसाद सापकोटा र प्रमुख प्रतिपक्षी दलका नेता शेर बहादुर देउवा अनुपस्थित रहेका छन् ।
जारी बैठकमा प्रधानमन्त्री केपी शर्मा ओली, प्रधानन्यायाधीश चोलेन्द्र शम्शेर जबरा र राष्ट्रिय सभाका अध्यक्ष गणेशप्रसाद तिमिल्सिना उपस्थित रहेका छन् । नयाँ अध्यादेशले प्रधानमन्त्रीसहित तीन जना सदस्यको उपस्थितिमा पनि नियुक्ति सिफारिस गर्नसक्ने व्यवस्था गरेको छ ।