२४ घण्टामा ४५१ कोरोना संक्रमित थपिए/ नेपालमा संक्रमितको संख्या ६२११ पुग्यो ।

नेपालमा बितेको २४ घण्टामा  ४५१ थपिएका छन । यो संगै संक्रमितको संख्या ६ हजार २ सय ११ पुगेको छ।

स्वास्थ्य तथा जनसंख्या मन्त्रालयको नियमित पत्रकार सम्मेलनका क्रममा प्रवक्ता जागेश्वर गौतमले  ४५१ संक्रमित थपिएको जानकारी दिनुभयो। २४ घण्टामा थपिएकाे याे संख्या हालसम्मकै उच्च हाे ।

हालसम्म कोरोना संक्रमण देखिएका १९ जनाको मृत्यु भएको छ। पछिल्लो २४ घण्टामा ६७ जना कोरोनामुक्त भएका छन्। हालसम्म १ हजार ४१ जना कोरोनामुक्त भई अस्पतालबाट डिस्चार्ज भएका छन्।