उच्च अदालत राजविराजका न्यायाधीशमा कोरोना पुष्टि

राजविराज ११ श्रावण :
सप्तरीमा एक जना न्यायाधीस र एक प्रहरीलाई समेत कोरोना पुष्टि भएको छ । यो सहित सप्तरीमा संक्रमितको संख्या ४ सय ३४ पुगेको छ ।

आज आईतवार उच्च अदालत जनकपुर, राजविराज इजलासका न्यायाधीस ५८ वर्षिय पुरुष तथा वडा प्रहरी कार्यालय राजविराजमा कार्यरत एक जना प्रहरीलाई समेत कोरोना पुष्टि भएको जिल्ला स्वास्थय कार्यालय सप्तरीले जनाएको छ । ३२ वर्षिय प्रहरी जवान सिरहा निवासी हुन् ।

यसैगरी, तिलाठि कोईलाडि गाउँपालिका ३ का ३८ वर्षिय पुरुष, वडा नं. ४ का २६ र ३९ वर्षिय पुरुष र वडा नं. ५ का २८ वर्षिय दुई पुरुषमा पनि कोरोना संक्रमण देखिएको जिल्ला स्वास्थ्य कार्यालय सप्तरीले जनाएको छ ।