वीरगञ्जमा शक्तिशाली विष्फोट ३ जना घाइते।

वीरगञ्ज २४ श्रावण
वीरगञ्जमा शक्तिशाली विष्फोट हुँदा ३ जना घाइते भएका छन् । वीरगञ्ज-४, विर्ता बजारमा शुक्रबार साँझ बिस्फोट हुँदा उनीहरू घाइते भएका हुन् । उनीहरूको नारायणी अस्पतालमा उपचार भइरहेको स्रोतले बतायो । स्थानीय मिठु शंकरको कागती पसलमा साँझ साढे ७ बजे बिस्फोट भएको जनाइएको छ । घाइतेको नाम सार्वजनिक गरिएको छैन । अहिले घटनास्थलमा पुगेर प्रहरीले अनुसन्धान थालेको छ ।जिल्ला प्रहरी कार्यालय, पर्साले विस्फोटक पदार्थ पड्किएर ३ जना घाइते भएको पुष्टि गरेको छ । तर बम नभइ माल्टा बारुद भनिने पटका पड्किएकोजस्तो देखिएको प्रहरी दावी छ । घाइतेको अवस्था चिन्ताजनक रहेको बताइएको छ । बिस्फोटबारे थप विवरण आउन बाकि छ ।