सडक निर्माणको काम सुरु

बारा ३० जेठ :
जितपुरसिमरा उपमहानगरपालिका वडा नम्बर २ स्थित पशुपति टाेलकाे सडक ढलान कार्यकाे आज एक कार्यक्रमका बीच प्रदेश सभाका सदस्य सुन्दर बि कले शुभारम्भ गर्नुभएको छ । प्रदेश सभा सदस्य सुन्दर बिकको पूर्वाधार बिकास कार्यक्रम अन्तर्गतकाे करिब ७ लाख बिनियाेजित बजेटबाट उक्त सडक निर्माण हुन लागेको हो । सो कार्यक्रममा नेकपाका नेता मनोज पौडेल,अमृतलाल श्रेष्ठ, जितपुर सिमरा उपमहानगरपालिका कार्यपालिका सदस्य सुमित्रा कार्की,वडा सदस्य रामचन्द्र अधिकारी,समाजसेवी नारायणप्रसाद घिमिरे,संजय पटेल,कृष्ण घिमिरेलगायतको उपस्थिति रहेको थियो । उपभोक्ता समितिका  बिष्णु घिमिरेको सभापतित्वमा र बिशालको सहजीकरणमा कार्यक्रम सम्पन्न भएको थियो ।