नेकपाले आयोजना गरेको आमहडताल सफल

२२ माघ २०७७, बिहीबार २०:०६ प्रकाशित

संसद बिघटनसहित संवैधानिक निकायमा सरकारले पदाधिकारी नियुक्ति गरेको विरोधमा नेपाल कम्युनिस्ट पार्टीको प्रचण्ड–माधव समूहले बिहीबार गरेको आमहडताल पुर्णरुपमा सफल भएको जनाएको छ ।
बन्दका कारण लामो तथा छोटो दूरीमा चल्ने सवारी साधन, पसल, उद्योग धन्दा, कार्यालय, शैक्षिक संस्थाहरु बन्द रहे । जरुरी कामले यात्रा गर्नुपर्ने सर्वसाधारण, मजदुर, विद्यार्थीलगायतकाहरु बन्दका कारण प्रभावित भएका छन् । अतिआवश्यक ग्यास बुलेट,इन्धन बोकेका गाडीहरु आन्दोलनकारीले सिमराबाट छोडेका थिए ।
बन्दका कारण बाराका बिभिन्न स्थान बिहीबार विहानै देखि सुनसान देखिए । बन्द गराउन सडकमा निस्केका प्रचण्ड माधव समूहका आधा दर्जन कार्यकर्तालाई कलैयामा प्रहरीले नियन्त्रणमा लिएको थियो ।
नेकपा कार्यकर्ताले सडकमा नाराबाजी र प्रदर्शन गरेका थिए ।

२२ माघ २०७७, बिहीबार २०:०६  मा प्रकाशित

Write your Comment