एनआरएनएको महाधिवेशन विवादमा,५ दिनको म्याद दिएर सरकारले माग्यो जवाफ (पत्रसहित)

१९ भाद्र २०७८, शनिबार ०९:५६ प्रकाशित

नेपाल सरकार परराष्ट्र मन्त्रालयले चुनावी प्रक्रियामा गरिएको प्रविधिको दुरुपयोग, राष्ट्रिय समन्वय परिषद्को अधिवेशन तोकिएको समय भन्दा ढिला गरेको, अन्तर्राष्ट्रिय महाधिवेशन प्रतिनिधिको विवरण १५ अगस्टसम्म अन्तर्राष्ट्रिय समन्वय परिषद्को सचिवालयमा पेश गर्नुपर्नेमा सो मिति भन्दा पछि त्यस्तो कार्य भएको जस्ता विषयमा गैरआवासीय नेपाली संघ (एनआरएनए)लाई पत्रचार गरेको छ ।
मन्त्रालयले निर्वाचनको निष्पक्षतामाथि नै प्रश्न उठ्ने गरी गुनासाहरू आएकाले यस विषयमा सत्यतथ्य जानकारी गराउन ५ दिनको समय दिएर एनआरएनएसँग जवाफ माग गरि पत्राचार गरिएको हो ।
यस्तै गैरआवासीय नेपाली संघ जापानको चुनावबारे पनि प्रश्न उठाउँदै परराष्ट्रले निर्वाचनको वैधतामाथि प्रश्न चिन्ह खडा भएको उल्लेख गरेको छ ।
एनआरएनएको अक्टोबरमा हुने महाधिवेशन र नयाँ नेतृत्व चयन प्रक्रिया अनलाइनमार्फत नै गर्ने तयारी भइरहेको बेला सरकारले एनआरएनएले चुनावी प्रक्रियाबारे नै प्रश्न उठाउँदै पत्राचार गरेको छ ।             

१९ भाद्र २०७८, शनिबार ०९:५६  मा प्रकाशित

Write your Comment